ឈានចូលមកដល់ខែ កុម្ភៈ មានប្រិយមិត្ដជាច្រើន ប្រាកដជាជ្រាបច្បាស់ថា នៅក្នុងឆ្នាំ ២០១៦នេះ ពិធីចូលឆ្នាំចិន នឹងធ្វើឡើង នៅថ្ងៃទី ០៨ ខណៈដែលក្រោយពី បញ្ចប់ពិធីបុណ្យនេះបន្ដិច ទិវានៃក្ដីស្រឡាញ់ ក៏ចូលមកដល់បន្ទាប់។
យ៉ាងណាមិញ ងាកនិយាយពី បុណ្យនៃទិវាក្ដីស្រឡាញ់នេះវិញ ដែលជាទូទៅ ក្នុងទិវានេះ មនុស្សមួយចំនួន តែងតែ និយមទិញអំណោយ ដើម្បីជូនមនុស្សជាទីស្រឡាញ់របស់ខ្លួន មិនថាតែដៃគូ ស្នេហា ឬ ជាមនុស្សជាទីគោរពនោះទេ។ បើនិយាយសង្កត់ទៅលើ ដៃគូស្នេហា ជាពិសេសទៅលើ មនុស្ស២នាក់ ដែលត្រឹមជាសង្សារនឹងគ្នា មិនគួរណា ធ្វើនូវរឿង ៨យ៉ាង នៅក្នុងទិវានៃក្ដីស្រឡាញ់ ដូចជា៖
- ទិញផ្កា៖ តម្លៃផ្កានឹង ឡើងកប់ពពកនៅក្នុងថ្ងៃនោះ បែបនេះ អ្នកអាចចូលទៅក្នុងផ្ទះបាយ ចំអិននំ ឬធ្វើម្ហូបពិសេស សម្រាប់ដៃគូអ្នកវិញ។
- រួមភេទ៖ កុំដោយសារតែរឿងនៃថ្ងៃបុណ្យក្ដីស្រឡាញ់ អ្នកត្រូវធ្វើបែបនេះ ព្រោះអាចនឹងមាន លទ្ធផលអាក្រក់ នៅថ្ងៃអនាគត។
- ឲ្យជនមិនស្គាល់មុខ ផ្ញើរអំណោយ ឬកាដូទៅកាន់ដៃគូអ្នក៖ ចុះប្រសិនជា ដៃគូអ្នក មិនបានទទួល តើនឹងមានរឿងអ្វីកើតឡើង?
- ធ្វើពុតជា មានអារម្មណ៍ល្អ៖ អ្នកនៅសេសសល់ពេលជាច្រើន ដូចជា ថ្ងៃខួបកំណើត ថ្ងៃគម្រប់ខួបនៃក្ដីស្រឡាញ់ ជាដើម។
- សុំរៀបការ៖ កុំដោយសារតែភាពរ៉ូមែនទិច អ្នកត្រូវធ្វើរឿងបែបនេះ ត្រូវគិតមុនគូរ ព្រោះមានមនុស្សជាច្រើន បានលែងលះគ្នា ដោយសារតែមិនបានគិតល្អិតល្អន់។
- ញ៉ាំអាហារពេលល្ងាច៖ បើអាចជៀសបាន គួរតែជៀស ដោយសារតែកន្លែងនឹងចង្អៀតនិង ត្រូវសម្លឹងមើល ដៃគូស្នេហាផ្សេងទៀត។
- ធ្វើការសន្យាផ្សេងៗ៖ គ្មានអ្វីដែលនឹងនរជារៀងរហូតទេ។
- ដើរលេងកម្សាន្ដនៅពេលល្ងាច៖ ជារៀងរាល់ឆ្នាំ យើងអាចសង្កេតឃើញថា នៅតាមដងផ្លូវ មានការស្ទះចរាចរណ៍ជាខ្លាំង ដែលពេលខ្លះ ម៉ោង ៨ទៅ ៩យប់ទៅហើយ ក៏នៅមានម៉ូតូ ឬរថយន្ដធ្វើដំណើរ យ៉ាងកកកុញ៕
Comments
Post a Comment